Zgjedhjet lokale në Kosovë kanë përfunduar me balotazh në 17 nga 38 komunat, pasi kandidatët nuk arritën të sigurojnë shumicën absolute të votave në raundin e parë. Vetëm në 21 komuna janë zgjedhur kryetarët që në rundin e parë.
Analisti Hisen Berisha, në një analizë për MCN Live, ndan mendimin se këto rezultate janë tregues i pakënaqësisë së qytetarëve me qeverisjen, si në nivel lokal, ashtu edhe qendror.
Fakti që shumica e komunave shkojnë në balotazh tregon qartë se qytetarët janë të pakënaqur.
Jo vetëm me pozitën, por edhe me opozitën. Pra, është një pakënaqësi më e gjerë që lidhet me performancën qeverisëse në të gjitha nivelet.
Për Berishen, rënia e mbështetjes për Kurtin është e dukshme dhe e pandalshme.
Distanca midis votës në zgjedhjet nacionale dhe asaj në zgjedhjet lokale është dëshmi e qartë e rënies së mbështetjes ndaj qeverisë së drejtuar nga Albin Kurti.
Forca dhe inercioni që e kishte vota për Vetëvendosjen në zgjedhjet parlamentare tashmë janë zbehur dukshëm. Kjo rënie e mbështetjes ndaj Kurtit është e dukshme dhe, sipas meje, e pandalshme.
Rezultati i këtyre zgjedhjeve duhet parë si një mesazh i qartë nga qytetarët për qeverinë aktuale.
Këto zgjedhje i kanë dërguar një mesazh të fortë Kurtit, forma e tij e qeverisjes, degradimi i institucioneve dhe përkeqësimi i jetës sociale po ndëshkohen nga vota e qytetarëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
