Florian Zekja, sipërmarrës nga shoqata e eksportuesve për zhvlerësimin e kursit të euros, ngre si shqetësim mungesën e një politike mbrojtëse për monedhën vendase.
Nga studio e “MCN Econonmy” ai tha se një problematikë shumë e madhe është forcimi i lekut në mënyrë artificiale.
Në dy vitet e fundit Banka e Shqipërisë ka blerë mbi 2 miliardë euro. Por kemi një handikap tjetër, por paratë që kemi në banka gati 5 miliardë euro. Edhe Banka e Shqipërisë dhe Ministria e Financave veç e veç e kanë vështirë të kontrollojnë paranë jashtë bankës. Një sasi kaq e madhe e bën të pavlefshëm mekanizmin që bëri Banka e Shqipërisë.
Është një luftë e humbur vetëm me mekanizmin e përdorur nga Banka e Shqipërisë duke blerë 2 miliardë euro. Vitin e kaluar kësaj depozite të parasë në treg iu shtuan 600 milionë euro. Një shifër shumë e lartë për një vend si Shqipëria, 25% e asaj që është në bankë, ndërkohë që vendet e Europës e kanë deri në 10%. Duhet një kanalizim i parave që janë jashtë bankave.
Mos të kishte blerë 2 miliardë euro Banka e Shqipërisë, nuk e dimë se ku do ishim. Nuk kemi një politikë mbrojtëse për monedhën vendase. Vitin e kaluar eksportuam 96 miliardë lekë, një rënie prej mbi 40%. Ka faktorë të brendshëm rritje të kostove, por edhe të jashtëm gjeopolitikë. Një problematikë shumë e madhe është forcimi i lekut në mënyrë artificiale.
Banka e Shqipërisë ka si instrument blerjen dhe deeuroizimin. Dy institucionet që kanë në dorë menaxhimin e anës monetare është Banka e Shqipërisë dhe Ministria e Financave. Janë dhe 50 mijë qytetarë shqiptarë që i marrin pagat me euro, të cilëve iu zhvlerësohet paga.
Është një problem për gjithë ekonominë. Edhe ndërtimi i cili shet me euro, ndërkohë pagesat i bën me lekë. Për këtë arsye çmimi rritet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
