Autoriteti Kombëtar për Certifikimin Elektronik dhe Sigurinë Kibernetike ka reaguar pas publikimit të të dhënave të klientëve të bankës Credins.
Në një njoftim, AKCESK thekson se persona të caktuar po përhapin panik, duke shpërndarë informacion për rrezikun e të dhënave financiare të qytetarëve.
Lidhur me publikimin e të dhënave ditën e sotme, AKCESK siguron qytetarët se infrastruktura kritike, objekt i ligji për sigurinë kibernetike, në të cilën aplikohen masa sigurie kibernetike të larta, është e sigurt dhe të dhënat financiare të qytetarëve janë të sigurta!
AKCESK thekson se në mënyrë të vazhdueshme po asiston bankën Credins dhe të gjitha infrastrukturat kritike për rritjen e masave të sigurisë në këto infrastruktura.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
