Të paktën 26 milionë amerikanë kanë humbur vendet e tyre të punës që nga data 14 mars, si pasojë e krizës ekonomike të shkaktuar nga virusi Covid-19.
Mësohet se për të pestën javë me radhë, miliona punëtorë amerikanë kanë aplikuar për të përfituar nga paga e papunësisë, duke kërkuar lehtësim financiar, pasi bizneset u mbyllën për shkak të pandemisë, e cila ende vazhdon të infektojë me ritme të shpejta gjithmonë e më shumë persona.
Pavarësisht mënyrës së si analizohen të dhënat, pesë javët e fundit, kanë shënuar rritjen më të madhe të kërkesave të papunësisë që kur Departamenti i Punës filloi gjurmimin e të dhënave në vitin 1967.
Bëhet me dije se kërkesat për përfitime nga papunësia arritën në 4.4 milionë me datë 18 prill, duke llogaritur këtu edhe humbjet e shkaktuara nga punët sezonale.
Ndërkaq, pa këto llogaritje të cilat ekonomistët i përdorin për llogari të luhatjeve të punësimit sezonal, numri ishte 4.3 milionë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
