Kreu i Grupit Parlamentar të PS Taulant Balla ka reaguar pasi presidenti Ilir Meta ktheu për shqyrtim në Kuvend pr/buxhetin e vitit 2021.
“Presidenti nuk ka asnjë të drejtë të kthejë Buxhetin e Shtetit”, deklaroi sot kryetari i grupit parlamentar të Partisë Socialiste, Taulant Balla, ndërsa theksoi se “është e turpshme dhe djallëzore të vonosh hyrjen në fuqi të Buxhetit të Shtetit sot kur aty janë planifikuar mbështetja më e madhe për shëndetësinë dhe rindërtimin”.
“Mbrojmë jetën e qytetarëve nga pandemia dhe garantuam fondin për vaksinën antiCOVID; rimbursojmë kurimin e çdo qytetari shqiptar nga COVID-19, rrisim pagat me 40% për mjekët dhe personelin shëndetësor dhe miratuam 280 milionë dollarë për rindërtimin”, tha Balla.
Ai siguroi se “buxheti do të rivotohet menjëherë sipas procedurës parlamentare dhe do të hyjë në fuqi siç e ka votuar Kuvendi”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
