Ambasada e Shteteve të Bashkuara të Amerikës (SHBA) në Shqipëri, ka mirëpritur zgjatjen e Komisionit Parlamentar për inceneratorët.
Përmes një postimi në median sociale Twitter, ambasadorja e SHBA-ve, Yuri Kim, iu bën thirrje të gjitha autoriteteve dhe institucioneve përkatëse, “të shqyrtojnë dhe të ndërmarrin veprimet e duhura”.
Sipas ambasadores Kim, “përgjegjësia është çelësi i demokracisë”.
Ndërsa vë në dukje dhe prioritetet e SHBA-ve në Shqipëri, Kim tha se fokusi i tyre është te “forcimi i institucioneve demokratike dhe lufta kundër korrupsionit”.
Komisioni Hetimor për inceneratorët, që drejtohej nga deputetja demokrate, Jorida Tabaku, u mbyll më 28 janar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
