Pronarët afat deri në nëntor për dokumentet

Komisioni i Venecias ka dhënë opinion pozitiv lidhur me ligjin kthimit dhe kompensimit të pronës në Shqipëri.

Në një prononcim televiziv,  kreu i Agjencisë së Trajtimit të Pronës, Sonila Qato, tha se zbatimi i ligjit tashmë do të vazhdojë normalisht.

Ajo thekson se të gjithë pronarët të cilëve u është publikuar emri në regjistrin e Agjencisë së Trajtimit të Pronave, kanë afat deri në muajin nëntor për të plotësuar dokumentacionin për të përfituar kthimin apo kompensimin e pronave të tyre.

Qato thotë se pas qëndrimit të Venecias, edhe gjykata kushtetuese duhet të japë verdiktin përfundimtar mbi fatin e ligjit.

Ligji i ri i pronave u dërgua në Gjykatën Kushtetuese nga 8 subjekte, mes të cilëve Presidenti i Republikës dhe Avokati i Popullit. Ata kërkuan shfuqizimin e ligjit si antikushtetues, kryesisht për shkak të formulës së kompensimit, e cila parashikon vlerësimin e pronave sipas zërit kadastral që kanë pasur në vitin 1945.