Ministrja e Financave dhe Ekonomisë, Delina Ibrahimaj zhvilloi një takim me ambasadoren e Shteteve të Bashkuara të Amerikës, Yuri Kim.
Ambasadorja e Shteteve tё Bashkuara nё Shqipёri, Yuri Kim, përmes një njoftimi, ka bërë të ditur se ka uruar ministren pёr emёrimin e ri, si dhe njofton se SHBA-tё nxisin Shqipёrinё nё luftёn kundёr pastrimit tё parave, sipas rekomandimeve tё Komitetit tё Ekspertёve Pёr Vlerёsimin e Masave Kundёr Pastrimit tё Parave dhe Financimit tё Terrorizmit(MONEYVAL).
“Shtetet e Bashkuara mbështesin fiskalizimin dhe dixhitalizimin e procedurave për të përmirësuar taksimin, transparencën dhe llogaridhënien. Rregulla të qarta, procese efikase dhe gjykata të pastra do të tërheqin investimet e Shteteve të Bashkuara, do të mbrojnë Shqipërinë nga aktorët e këqij. Kjo është lidhja midis demokracisë, mbrojtjes dhe biznesit”, u shpreh Kim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
