Muço: Ulja e çmimit të energjisë elektrike elektorale, por ishin hapësirat që vendimi të merrej

“Është një vendim tipik elektoral. Duke marrë në konsideratë që kosto e prodhimit në raport me atë që paguajmë është shumë e ulët, 1/3, ka hapësira që çmimi të ulet. Nëse do ta krahasojmë me vendet e rajonit, ne jemi të dytët në Ballkanin Perëndimor, sa i përket çmimit më të lartë të energjisë. Është një vendim që duhej marrë, duke marrë në konsideratë që ne një pjesë të energjisë e prodhojmë vetë, aspekti i dytë është kostoja e ulët e prodhimit, dhe janë përmirësuar humbjet në rrjet. Një studim i vjetër tregon që 1/4 e qytetarëve shqiptarë kanë vështirësi në pagesat e faturave, këtu bëjnë pjesë pensionistët, familje me asistencë sociale. Në të kaluarën ka pasur fasha të mbrojtura që paguanin shumë më pak. Ulja nuk do ndikojë në mënyrë të ndjeshme në xhepat e qytetarëve, familje në vështirësi sigurisht edhe ato 300 lekë të reja ju bëjnë punë. Me një lekë nuk është ndonjë ulje e madhe për të ndikuar te xhepat e qytetarëve. Sigurisht që pensionistët që kanë pensione nën 180 mijë lekë, që është edhe minimumi jetik, presupozohet se kjo ulje do ndikojë më tepër psikologjikisht, që të konsumojë pak më tepër energji, dhe të ruajë të njëjtin shpenzim. E shikoj të lidhur shumë ngushtë me zgjedhjet”.

Ai theksoi nevojën për diversifikim, duke u shprehur se duke përdorur energjinë diellore mund të rritet përdorimi i energjinë gjatë ditës, dhe do ketë më pak nevojë për import.