Presidenti i Shqipërisë, Ilir Meta, ditën e sotme ka pritur në takim përfaqësinë e Aleancës Kosovare të Bizneseve. Meta në një postim që ka bërë në rrjetet sociale bën me dije se në takim është njohur me shqetësimet lidhur me rënien e shkëmbimeve tregtare Kosovë-Shqipëri si dhe shtimin e pengesave administrative e infrastrukturore, si pasojë e COVID-19.
Në takim është theksuar rënia në mënyrë drastike e volumit tregtar midis dy shteteve në periudhën e pandemisë.
Po ashtu kreu i shtetit thotë se duke marrë parasysh situatën e Covid-19, do të merren masa të menjëhershme për rritjen e bashkëpunimit ekonomik dhe tregtar.
Postimi i Metës
Prita sot në Presidencë një përfaqësi të Aleancës Kosovare të Bizneseve, me të cilët ndamë ide të vyera mbi rëndësinë e thellimit të bashkëpunimit ekonomik të sipërmarrjeve në nivel kombëtar. U njoha me shqetësimet e drejta të tyre për rënien e volumit të shkëmbimeve tregtare ndërmjet dy vendeve tona, si pasojë e COVID-19, shtimit të pengesave administrative e infrastrukturore, si dhe rritjes se barrës, kryesisht jo tarifore. Në kushtet aktuale të pandemisë, theksuam domosdoshmërinë e marrjes së masave të menjëhershme, për të siguruar vijimësinë e bashkëpunimit ekonomik dhe tregëtar, si dhe rritjen e mbështetjes nga ana qeverive për bizneset e prekura në të dyja vendet, me qëllim zhvillimin e qëndrueshëm të Shqipërisë e Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
