Ministri i Infrastrukturës dhe Energjisë, Enea Karakaçi, dhe ambasadori gjerman, Karl Bergner, kanë nënshkruar tre marrëveshje të rëndësishme në sektorin e energjisë, me një financim total prej rreth 90 milionë eurosh hua dhe 24 milionë eurosh grant nga qeveria gjermane përmes KfW-së.
Sipas ministrit Karakaçi, marrëveshja e parë synon rritjen e efiçencës në sistemin e transmetimit të energjisë elektrike.
Projekti parashikon digjitalizimin e plotë të rrjetit të transmetimit, duke mundësuar automatizimin e proceseve që lidhen me ndërlidhjen e nënstacioneve dhe menaxhimin më efikas të sistemit energjetik.
Marrëveshja e dytë ka në fokus rehabilitimin e hidrocentralit të Vau të Dejës, një nga asetet më të rëndësishme publike të prodhimit të energjisë në vend.
Karakaçi theksoi se projekti vijon bashkëpunimin e suksesshëm me qeverinë gjermane dhe KfW-në për modernizimin e kësaj vepre energjetike.
Ndërkohë, marrëveshja e tretë lidhet me rehabilitimin e konvikteve të Qytetit Studenti në kuadër të programeve për efiçencën e energjisë.
Për këtë projekt është akorduar një grant prej 24 milionë eurosh nga qeveria gjermane, financim që synon përmirësimin e kushteve të jetesës dhe studimit për studentët, si edhe uljen e konsumit të energjisë përmes investimeve në ndërtesa me standarde të larta të efiçencës energjetike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
