Inxhinierja Dëshira Mena duke folur në edicionin e lajmeve në Mcn Tv për draft-ligjin e ri për eficencën e energjisë theksoi që pika e kontestuar është menaxhimi i profesionistëve që do merren me eficencën energjisë. Ajo theksoi se është kundër testimit nga agjencia që është pjesë e strukturës së ministrisë, pasi të njëjtin provim studentët e kanë dhënë në universitet.
“Ligji s’është gjë e re, sepse kemi ligjin ekzistues të vitit 2016. Është parë e arsyeshme që të bëhet një draft i ri për të përmirësuar pikat që s’kanë qenë përcaktuar mirë. Pika më kritike dhe ajo që ne kemi kontestuar ka qenë mënyra si do menaxhohen profesionistët që do merren me eficencën e energjisë. Nga pikëpamja strategjike për të futur konceptin e eficencës së energjisë në ndërtime është i domosdoshëm, por mënyra si është si është integruar dhe detajet teknike si do menaxhohet nga profesionistët, kanë plot pika që duhet të diskutohen dhe aprovohen nga profesionistët përkatës. Eficenca e energjisë në ndërtesa aktualisht menaxhohet nga Agjencia e Eficencës së Energjisë, që është strukturës e ministrisë së Infrastrukturës dhe Energjetikës. Për të bërë auidimin duhen inxhinerë dhe specialistë të licensuar.
Fokusi ynë ka qenë te sistemimi i procedurës për marrjen e certifikatës apo licencës për auditimin e energjisë në ndërtesa. Aktualisht për të marrë licencën do duhet të mbarosh një kurs studimi pasuniversitar, për profesionet e listuara sipas VKM-së, dhe me mbarimin e këtij kursi duhet të aplikosh pranë agjencisë për marrjen e licensës. Ajo që ne kemi kundërshtuar është që nga agjencia do duhet të testohesh në një provim, ndërkohë që ky provim është i njëjtë me provimin që studenti ka bërë kur ka mbaruar studimet”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
