Vendet e varfra paguajnë më shumë për viza udhëtimi

Europianët udhëtojnë lirë. Për aziatikët dhe afrikanët është më e kushtueshme.

Udhëtarët kanë filluar të planifikojnë përsëri pushime dhe udhëtime pune. Përveç përgatitjes së valixhes apo projekteve të tyre, duhet të bëjnë gati dhe vizat.

Një studim i ri tregon se çmimet e vizave ndryshojnë jashtëzakonisht në varësi të pasaportës së udhëtarit: sa më i pasur të jetë vendi, aq më pak duhet të paguajnë qytetarët e tij për të shkuar jashtë vendit.

Studiuesit nga Instituti i Universitetit Evropian morën informacione rreth çmimeve për 85,000 viza të ndryshme për pothuajse në çdo vend të botës, përfshirë ato të destinuara për turistë, udhëtarët e biznesit, punëtorët e huaj dhe studentët.

Afrikanët e Veriut paguajnë dy herë më shumë për një vizë turistike sesa amerikanët e Veriut. Dhe kur kostoja e një vize turistike mesatare u krahasua me të ardhurat mesatare kombëtare, pabarazia midis vendeve të pasura dhe të varfra u bë edhe më e ashpër.

Ndërsa amerikanët e Veriut duhet të punojnë për më pak se gjysmë dite, mesatarisht, për të paguar një vizë turistike, afrikanët nën-Sahariane duhet të punojnë për 19 ditë. Diferenca të tilla janë rezultat i taksave të kushtueshme.

Ekuadori tarifon 450 dollarë për udhëtarët e mundshëm nga disa vende të varfra ose të konflikteve, për shembull, Etiopasit duhet të paguajnë pagën mesatare kombëtare prej shtatë muajsh për të marrë vizën.  Ndërkohë, lëvizja e lirë pa viza, u mundësohet kryesisht vetëm qytetarëve nga vendet e pasura.

A është fajtor diskriminimi racor për tarifat në qiell për turistët afrikanë? Me siguri jo. Studiuesit e testuan këtë duke shtuar dy ndryshore në modelin e tyre për shpjegimin e çmimeve të ulëta të vizave: prosperiteti ekonomik (që matet nga të ardhurat për person) dhe cilësia e demokracisë.

Nëse këto dy elementë do të ishin nën kontroll, udhëtimi nga vendet afrikane drejt vendeve të tjera do të ishte më i lirë./The Economist