Komisioni i Konkurrencës ka vendosur të mos gjobisë ndërmarrjet që shesin dhe tregtojnë miellin, pas rritjes së çmimit të bukës.
Me dy vota pro dhe 3 kundër, në mbledhjen që u zhvillua këtë të mërkurë për vendimin “Për vendosje gjobe ndaj ndërmarrjeve AgroBlend SHPK, Miell Tirana SHA, Bloja SHA dhe Atlas Mills SHPK për moszbatimin e detyrimeve të përcaktuara me VKK nr.700, datë 24.07.2020”, nuk u miratua propozimi i Sekretarit për vendosjen e gjobës.
Njoftimi i plotë:
Komisioni i Konkurrencës në mbledhjen e datës 29.09.2021, lidhur me vendimin “Për vendosje gjobe ndaj ndërmarrjeve AgroBlend SHPK, Miell Tirana SHA, Bloja SHA dhe Atlas Mills SHPK për moszbatimin e detyrimeve të përcaktuara me VKK nr. 700, datë 24.07.2020”, në një votim 2 pro dhe 3 kundër, nuk miratoi propozimin e Sekretariatit për vendosje gjobe ndaj ndërmarrjeve që operojnë në tregun e importit të grurit, importit, prodhimit dhe tregtimit të miellit. Anëtarët që votuan pro vendosjes së gjobës janë:
Znj. Juliana Latifi
Z. Eduard Ypi
Anëtarët që votuan kundër vendosjes së gjobës janë:
Znj. Leida Matja
Znj. Adriana Berberi
Z. Denar Biba
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
