Rama: 8 milionë turistë do të vizitojnë Shqipërinë përmes katër aeroporteve të reja

Kryeministri Edi Rama përmes një postimi në “Instastory” ka publikuar një ndër 100 arritjet e qeverisë gjatë mandatit të dytë.

Ai i është drejtuar me një pyetje ndjekësve të tij në instastory në rrjetin social Instagram, në rubrikën “100 ditë, 100 arritje”, se sa turistë priten ta vizitojnë Shqipërinë përmes 4 aeroporteve të reja në ndërtim?”.

Kryeministri Rama tha se “8 milionë turistë do të vizitojnë Shqipërinë përmes aeroporteve të reja të Kukësit, Vlorës, Sarandës, si dhe zgjerimit të aeroportit të Tiranës”.