Qeveria ka hedhur për konsultim një projektligj i cili shtrëngon rregullat e raportimit për shoqëritë operojnë në tregjet e kapitalit.
Gazetari Lorenc Rabeta thotë se është një kontekst teknik i cili i drejtohet një industrie të caktuar që i drejtohet tregut të kapitaleve dhe pak njerëzve, paso është i vogël numri i qytetarëve që angazhohen.
Nga studio e “MCN Economy” ai deklaroi se një projektligj i tillë rrit standardet raportuese.
Bankat, institucionet financiare, fondet investuese, përballen me rritje të frekuencës për raportim por dhe thellësisë së raportimit, shkurtohen afatet e raportimit dhe rriten detajet që raportojnë para Bankës së Shqipërisë dhe Autoriteti i Mbikëqyrjes Financiare.
Jemi dhe pranë integrimit dhe sa më shumë afrohet data, aq më shumë shtohen këto rregulla dhe kushte që duhet të plotësojë sistemi financiar shqiptar.
Fondet e investimeve, janë forma përmes të cilave qytetarët mund të investojnë paratë e tyre përtej asaj që ofron tregu bankar me depozita me 1-2%. Këto fonde ofrojnë norma më të larta fitimi, se depozita e bankave. Kryesisht bazohen mbi letrat me vlerë të qeverisë.
Në thelb ti blen obligacione qeveritare, me norma relativisht të mira interesi. Ato 5 dhe 10 vjeçare, me norma fitimi, 5, 8 apo 10%.
Nuk e bën dot te sporteli i Bankës së Shqipërisë, pasi këtë mund ta bëjnë vetëm institucionet financiare.
Është një treg i përshtatshëm se ti mund t’i tërheqësh shumë shpejt ato para dhe mund ta ndërpresësh kontratën me bankën, por do heqësh dorë nga fitimi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
