Nga 1 qershor i këtij viti Shqipëria do të ndalojë përdorimin e ambalazheve plastike njëpërdorimshme.
Lajmi u bë i ditur nga Ministrja e Turizmit dhe Mjedisit Mirela, Kumbaro Furxhi, e cila ka bërë të ditur se përmes amendimeve në Kuvend, nga 1 qershori synohet përdorimi dhe prodhimi i importimit të qeseve njëpërdorimshme.
“Viti 2022 do të jetë viti i një ndryshimi të madh për mjedisin në Shqipëri e për mentalitetin e secilit prej nesh sa herë dalim nga shtëpia për të bërë pazar. Shqipëria nga 1 qershori 2022 përmes amendimeve që kemi paraqitur në Kuvend synon të ndalojë përdorimin, prodhimin, tregtimin dhe importimin e qeseve mbajtëse plastike njëpërdorimshme”, deklaroi ministrja Kumbaro.
Kumbaro theksoi se sfida e luftës kundër plastikës ndotëse është tashmë universale, meqë edhe shumë shtete të tjera kanë nisur ose janë në proces të ndalimit të përdorimit të ambalazheve plastike njëpërdorimshme.
“Franca ndalon përdorimin e ambalazheve plastike njëpërdorimshme në tregun e produkteve ushqimore nga 1 janari i vitit që sapo ka nisur. Skocia do të ndalojë nga qershori i këtij viti çdo lloj produkti plastik me një përdorim”, tha ajo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
