Që nga 1 korriku i këtij viti, nis reduktimi i tarifave të shërbimit “roaming” në gjashtë vende të Ballkanit Perëndimor. Ndërkaq, mërëveshja e plotë e heqjes së përgjithshme të shërbimit “roaming” do të filloj të aplikohet në terësi nga korriku i vitit 2021.
Marrëveshja për heqjen e tarifave të shërbimit ‘roaming’, do të nënshkruhet sot në Beograd nga 6 vende të Ballkanit Perëndimor: Shqipëria, Kosova, Bosnje-Hercegovina, Maqedonia e Veriut, Mali i Zi, dhe Serbia.
Edhe pse marrëveshja do të nisë të zbatohet në terësi në korrik të vitit 2021, ndërkohë që reduktimet e tarifave do të fillojnë që nga 1 korriku i këtij viti, si formë lehtësimi për komunikimet ndërmjet qytetarëve. Nënshkrimi i kësaj marrëveshjeje do të thotë se që prej datës 1 Korrik të vitit 2021, në secilin prej 6 vendeve të Ballkanit Perëndimor do të mund të flitet me koston e një telefonate lokale, dhe jo më me tarifat e shtrenjta roaming.
Nënshkrimi i marrëveshjes së sotme vjen pas rreth dy vitesh tratativa dhe negociata të vazhdueshme mes palëve, me ndërmjetësimin dhe interesimin e drejtpërdrejtë të Brukselit. Komisioni Europian e ka vendosur këtë çështje si prioritet, duke e përdorur heqjen e tarifave roaming si një strategji efikase për të integruar më shumë rajonin.
Samiti i dytë dixhital për Ballkanin Perëndimor zhvillohet nën organizmin dhe mbështetjen e Këshillit të Bashkëpunimit Rajonal, të drejtuar nga Sekretarja e përgjithshme Majlinda Bregu dhe Komisionerja Evropiane për Ekonomi dhe Shoqëri Digjitale Marija Gabriel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
