Këshilli Mbikqyrës i Bankës së Shqipërisë, gjatë mbledhjes së sotme miratoi tematikën e kartëmonedhës shqiptare me kurs ligjor me vlerë 10000 lekë të rinjë.
Kjo kartëmonedhë do të pasqyrojë figurën e poetit të njohur shqiptar, Asdreni, kombinuar me simbolet e figurative të “Flamurit Kombëtar”, si dhe me një varg të zgjedhur nga “Himni Kombëtar”, që njihet edhe si HIMNI I FLAMURIT.
“Rreth flamurit të përbashkuar me një dëshir e një qëllim”.
Krahas kësaj, u miratuan tekstet shoqëruese që lidhen me emrin e bankës, vlerën nominale, si dhe u miratuan përmasat e kartëmonedhës.
Gjithashtu, këshilli bëri ndryshime në miratimin e disa ndryshimeve në rregulloret për funksionimin e sistemit qendror të regjistrimit dhe shlyerjes së titujve (AFISaR).
Ndryshimet synojnë përshtatjen e rregulloreve, në kushtet e anëtarësimit të Bursës Shqiptare të Titujve në këtë sistem.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
