Nikollaq Neranxi ka publikuar një reagim të Shoqatës së Mbrojtes së Tregtarëve ku shprehet shqetësimi në lidhje me deklaratat e Nikolin Jakës.
Në deklaratë, shoqata që drejtohet nga ish-deputeti Neranxi shprehet se është kundër mbushjes së Shqipërisë me plehra, hashash dhe bordello.
“Asnjë sipërmarrësi të ndershëm nuk i intereson që të legalizohet hashashi, qoftë edhe për qëllime farmaceutike. Ska gjë me cinike se sa të hedhësh idenë e legalizimit të hashashit, pikërisht tani që Shqipëria është e gjitha e mbushur me hashash. Dhe më skandalozja, Jaka artikulon pikërisht në këto momente kritike për vendin ku është në pikëpyetja mbijetesa, nevojën e shtëpive publike! Jaka, njeriu që përfiton vazhdimisht fonde publike, po bën një krim duke dalë të flasë në emër të biznesmenëve shqiptarë dhe duke u shpallur promotori i mbushjes së këtij vendi me pislliqe, drogë dhe prostitute” – thuhet ndër të tjera në reagimin ndaj deklaratave të kreut të Dhomës së Tregtisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
