Operatori i Shpërndarjes së Energjisë Elektrike njoftoi në mbrëmje se megjithë kushtet e këqija të motit, me shkarkime atmosferike dhe reshje shiu, grupet e avarisë së kompanisë kanë eliminuar avaritë që u shfaqën në rrjetin e shpërndarjes . Sipas informacionit të orës 19:15, numri i fiderave me defekt është 11, ku afro 90% e linjave të dëmtuara janë në zona rurale, një pjesë ndodhen në shumë larg qendrave.
Hidrovorët dhe spitalet furnizohen normalisht me energji elektrike, përfshi edhe institucionet e rëndësisë së veçantë. Sakaq, vijon riparimi i defekteve, dhe nga informacionet e fundit, ka të tjera zona që u është rikthyer energjia elektrike. Zonat ku po punohet për rikthimin e energjisë në Tiranë janë Valias, Qerekë (pjesërisht), Tapizë
Në Durrës janë Ballaj, Kruja pjesërisht dhe Borizanë. Në Elbasan, pjesërisht Mollas /Cërrik, ndërsa në Gjirokastër është Delvina. Në vlorë po punohet për rikthimin e energjisë në Novoselë, ndërsa në Shkodër në zonën e Komanit e Velipojës pjesërisht.
Grupet e punës së OSHEE janë në terren për të riparuar defektet sa më shpejt dhe normalizimin e situatës së furnizimit me energji.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
