Koronavirusi mund të shkaktojë një recesion global. Ky është parashikimi i agjencisë “Moody’s”, e cila thotë se marrja e disa masave jo vetëm që rekomandohet, por është jashtëzakonisht e detyrueshme. Sipas agjencisë së vlerësimit, një skenar i tillë mund të materializohej vetëm nëse Covid-19 shndërrohet në një pandemi të vërtetë. Sipas ekonomistëve, një skenar i tillë ka një shans 40% për t’u realizuar.
Por efektet e virusit të ardhur nga Lindja mund të dëmtojnë ekonominë botërore edhe pa u shndërruar në njollën e zezë apokaliptike dhe të paparashikueshme. Kjo për shkak se mbyllja e kompanive në Kinë, përhapja e virusit në Korenë e Jugut dhe ardhja në Evropë, me Italinë si një epiqendër, rrezikon seriozisht ngadalësimin e rritjes së PBB-së globale. “Moody” parashikon tashmë një tkurrje 0.4% në të gjithë botën për vitin 2020, megjithëse gjithçka varet nga evolucioni i infeksionit. Shtetet e Bashkuara mund të preken në mënyrë tangjente, duke pasur parasysh që ekonomia e tyre është "më e izoluar, por sigurisht jo imune".
Komisioni Evropian, i cili dje publikoi një raport për 27 vendet anëtare të BE-së, zgjedh të jetë i matur. "Rreziqet e koronavirusit tashmë janë materializuar pjesërisht - thotë Paolo Gentiloni, Komisioneri i BE për Ekonominë - por është shumë herët për të bërë vlerësime serioze". Sidoqoftë, ish-kryeministri italian u bën thirrje vendeve të ndërmarrin masa për të shmangur recesionin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
