Banka Qendrore Evropiane ka vendosur të rrisë normat e interesit me 0.25 pikë përqindjeje, duke shënuar rritjen e parë që nga shtatori i vitit 2023.
Sipas vendimit të Këshillit Drejtues të BQE-së, norma e depozitave rritet nga 2% në 2.25%, ndërsa norma kryesore e rifinancimit nga 2.15% në 2.40%. Po ashtu, norma marxhinale e huadhënies kalon nga 2.40% në 2.65%.
Ky veprim vjen si përgjigje ndaj pasigurive ekonomike dhe rritjes së çmimeve të energjisë, të shkaktuara nga konflikti në Iran. Vendimi ishte pritur nga shumica e ekonomistëve.
Përveç rritjes së normave, BQE ka ulur edhe parashikimet për rritjen ekonomike. Ekonomia e eurozonës pritet të rritet me 0.8% në vitin 2026, më pak se sa ishte parashikuar më parë. Për vitin 2027 parashikohet një rritje prej 1.2%, ndërsa në vitin 2028 prej 1.5%.
Nga ana tjetër, inflacioni pritet të mbetet i lartë. BQE vlerëson se ai do të arrijë rreth 3% në vitin 2026, do të bjerë në 2.3% në vitin 2027 dhe do të kthehet në objektivin 2% vetëm në vitin 2028.
Në deklaratën e saj, BQE theksoi se perspektiva ekonomike mbetet e pasigurt, me rreziqe për rritje të mëtejshme të inflacionit dhe ngadalësim të ekonomisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
