Dy ditë përpara hapjes së “Rrugës së Arbrit”, ministrja e Infrastrukturës dhe Energjisë, Belinda Balluku, ka parë nga afër përfundimin e punimeve të këtij projekti.
Së bashku me Ballukun për inspektim ishte edhe drejtori i Autoritetit Rrugor Shqiptar, Ervis Berberi.
“Ky segment do të hapet më 29 nëntor në formën e kantierit – 80% e kalueshme – më pas punimet do të mbyllen në qershor të vitit 2022.
“Po punohet për detajet e fundit në prag të hapjes për qarkullimin e automjeteve të këtij aksi, i cili afron verilindjen e vendit me kryeqytetin”, bëri me dije Balluku në fjalën e saj.
Ministrja theksoi se i gjithë ky projekt përbëhet nga gjashtë tunele. Deri më tani kanë përfunduar punimet për pesë tunele.
Kjo rrugë do të lidhet me Bypass-in e Klosit prej 8.8. km.
Poashtu në këtë aks ndodhet edhe ura më e lartë në Shqipëri (157 m) dhe një nga më të lartat në rajon.
“Rruga e Arbrit” do të lidhë Tiranën me Dibrën me një gjatësi prej rreth 75 kilometra.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
