Gjatë takimit me presidenten në detyrë të Kosovës, Vjosa Osmani, kryedemokrati Basha, premtoi heqjen e taksës së Rrugës së Kombit, me të ardhur në pushtet. Për gazetarin e ekonomisë, Klodian Tomorri, heqja e traut nuk do të thotë domosdoshmërisht anulim i koncesionit. Sipas Tomorrit, një mundësi tjetër për t’u realizuar kjo, do të ishte taktika që u ndoq me koncesionin e skanimit në dogana.
“Heqja e traut nuk do të thotë anulim i koncesionit. Një mënyrë është që qeveria të marrë kostot në buxhet. E njëjta gjë ka ndodhur me skanimin në dogana. Rama në 2013 e rinegocioi kontratën dhe e mori përsipër ta paguante nga buxheti i shtetit. Ne sot paguajmë për të 12-13 milionë euro në vit. Një qeveri ka tagrin të anulojë çdo kontratë koncesionare, por pastaj duhet të paguash penalitete për prishje të njëanshme të kontratës. Në rastin e mirëmbajtjes së rrugës Durrës-Kukës, pasojat do të ishin të rënda. Me siguri do të shkonte në arbitrazh dhe shanset do të ishin të vogla për qeverinë shqiptare”, tha Tomorri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
