Bordi i Transparencës, pas mbledhjes së zhvilluar sot ka vendosur çmimet e reja për shitjen e karburantit në Shqipëri.
Kështu Bordi vendosi që çmimi i shitjes me pakicë i naftës të jetë 239 lekë/litër, ndërsa i shitjes me shumicë 227 lekë/litër.
Në krahasim me vendimin e shkuar, nafta është rritur me 10 lekë.
Po ashtu, çmimi i shitjes me pakicë i nënproduktit benzinë do të jetë 237 lekë/litri, ndërsa i shitjes me shumicë 225 lekë/litër.
Në krahasim me vendimin e shkuar, benzina është rritur me 8 lekë.
Gazi do të shitet me pakicë 90 lekë/litër me pakicë dhe i shitjes me shumicë 78 lekë/litër për automjetet.
Bordi thekson se çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që, në pikat e tjera, për konsumatorët familjarë dhe industrial çmimi nuk duhet të përfshijë akcizën.
Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtij vendimi”, shkruhet në vendim.
Në rast të shkeljeve të konstatuara nga operatorë të ndryshëm do të vendoset pezullimi i aktivitetit.
Këto çmime do të hyjnë në fuqi sot, pas orës 18:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
