Për herë të parë në 20 vjet, kursi i këmbimit midis euros dhe dollarit amerikan është pothuajse i njëjtë, me dy monedhat që janë më pak se një cent larg barazisë. Euro shkoi në 1,004 dollarë të hënën pasdite, rreth 12% më pak që nga fillimi i vitit. Frika e recesionit në kontinent, është nxitur nga inflacioni i lartë dhe pasiguria e furnizimit me energji të shkaktuar nga pushtimi i Ukrainës nga Rusia.
Bashkimi Evropian, i cili merrte afërsisht 40 për qind të gazit të tij përmes tubacioneve ruse përpara luftës, po përpiqet të zvogëlojë varësinë e tij nga nafta dhe gazi rus. Në të njëjtën kohë, Rusia ka frenuar furnizimet me gaz për disa vende të BE-së dhe kohët e fundit ka ulur rrjedhën në tubacionin Nord Stream për në Gjermani me 60%.
Kriza energjetike vjen së bashku me një ngadalësim ekonomik, i cili ka hedhur dyshime nëse Banka Qendrore Evropiane mund të shtrëngojë në mënyrë adekuate politikën për të ulur inflacionin. BQE njoftoi se do të rrisë normat e interesit këtë muaj për herë të parë që nga viti 2011, pasi norma e inflacionit në eurozonë qëndron në 8.6%.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
