Kriza hidrike nga mungesa e reshjeve ka patur pasoja jo të vogla për financat e Operatorit të Shpërndarjes së Energjisë.
“Vetëm si pasojë e blerjes së energjisë kompania ka lëvizur nga buxheti fillestar me 10.8 miliardë lekë. ne këtë situatë ne kemi rishikuar disa nga investimet pasi prioriteti kryesor është sigurimi i energjisë për qytetarët”, tha Çela.
Sipas Çelës fatura e lartë e importeve u përballua nga përmirësimi i menaxhimit. Për 9 mujorin arkëtimet u rritën me 1.2 miliardë lekë krahasuar me vjet, ndërsa në muajin shtator humbjet zbritën në nivel rekord.
“Për muajin shtator për herë të parë u arrit që humbjet e energjisë të bien nën 20 për qind, që është niveli më i ulët në 27 vjet”, thotë Çela.
Për gjithë vitin humbjet pritet të bien në 26 për qind. Sipas OSHEE, nga këto, vjedhjet janë vetëm 8 për qind ndërkohë që pjesa dërrmuese janë humbje teknike nga rrjetit i amortizuar. Ato mund të ulen vetëm përmes investimeve të reja.
“Për të ulur 1 për qind humbjet duhen 45 milionë euro investime”, thotë administratori i OSHEE-së.
Me këtë mesatare, për të ulur humbjet në nivele normale kompania i duhen edhe 1 miliardë euro investime.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
