Doganat kanë çuar në prokurori subjektin “Natyral gaz”, për fshehjen e të ardhurave.
Sipas një njoftimi të Doganave, biznesi që e zhvillon aktivitetin e tij në Kamëz, me administrator E.K.,ka shmangur detyrimet nëpërmjet shitjes së gazit për ngrohje si gaz për automjete.
Për këtë të fundit oaguhet akcizë prej 8 lekë për litër, por kompania në fjalë furnizohej pranë kompanive importuese të gazit me artikullin "Gaz për ngrohje", për të cilin nuk paguhet akcizë dhe në fakt e shiste tek subjektet e tjera si "Gaz për auto". Në këtë mënyrë, “Natyral gaz” ka shmangur pagesën e akcizës prej 8 lek për litër.
Sipas akteve administrative të mbajtura nga autoritetet doganore, subjekti i detyrohet shtetit në total në shumën 37.7 milion lekë.
Strukturat Doganore kanë dorëzuar në Prokurori të gjitha materialet, e cila po vijon hetimet në bashkëpunim me Drejtorinë e Hetimit Doganor dhe strukturat e tjera ligjzbatuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
