Pedagogia Romina Radonshiq deklaron se arsimi universitar ka më shumë nevojë për reformim se sa ai parauniversitar, për shkak se ka shumë të rinj të diplomuar të cilët nuk e gjejnë veten në treg.
Duke folur për “MCN Economy”, ajo tha se universiteti në vendin tonë është thjesht teorik dhe jo praktik.
Sipas saj, kurikulat universitare duhet të përmirësohen për tu afruar më shumë me tregun e punës.
Kurikulat universitare duhet të shikohen sipas kërkesave të tregut të punës. Buxheti për kërkim shkencor është fiktiv, nuk shpërndahet, ose shpërndahet në mënyrë selektive.
Duhet të rriten fondet shtetërore për kërkimin shkencor. Për ndërkombëtarizimin jemi shumë mirë, por për cilësinë, duhet të rishikohen kurikulat universitare, pasi nuk pasqyrojnë nevojat e tregut të punës.
Kjo edhe prej mungesës së bashkëpunimit mes sektorit privat dhe publik. Për përmirësimin e kurikulave universitare, çdo universitet duhet të ketë partner sektorët që përfaqësojnë. Në nivelin e cilësisë duhet patjetër të përmirësohemi. Kurikulat duhet të përmirësohen për tu afruar më shumë me tregun e punës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
