Këshilltari në Bashkinë e Durrësit, Joni Myshketa deklaron se në qytetin e tij nuk ka 24 orë ujë dhe se furnizimi plotësohet me depozita dhe cisterna, të cilat nuk janë aspak higjienike.
Duke folur për “MCN Economy” ai thotë se Ujësjellësi i Durrësit është një sipërmarrëse aspak e suksesshme dhe me buxhet negativ miliona euro, pavarësisht financimeve që ka marrë.
Sipas tij, centralizimi nuk mund të garantojë efiçencën e furnizimit me ujë.
Të gjitha reformat e ndërmarra nga kjo qeveri, ose mbi 80% e tyre kanë rezultuar reforma të dështuara.
Po kërkohet të monopolizohet çdo gjë që të menaxhohet nga një dorë. Furnizimi me ujë, është sistemi më i dështuar në 30 vite.
Reforma iu heq të gjitha tagret bashkive përkatëse. Pritet të ketë rritje të çmimit të ujit për qytetarët dhe bizneset.
Centralizimi nuk mund të garantojë efiçencën e një shërbimi. Se duke i mbledhur të gjitha në Tiranë, nuk je afër nevojave dhe shërbimeve konkrete.
Mbetem skeptik se dorëzimi në një dorë të vetme i një sistemi, është një marsh pas dhe jo përpara.
Për fat të keq, Durrësi është i mbushur me depozita duke shtuar rrezikun për papastërti.
Plus që është një shtesë në buxhetin e qytetarëve të cilët blejnë ujë nëpër markete.
Ne paguajmë faturën e ujit, por secili prej nesh paguan edhe faturën informale për të blerë ujin për të gatuar dhe për ta pirë.
Ne paguajmë faturën për ujë të pijshëm, i cili vetëm i pijshëm nuk është.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
