Xama: 1/3 e ekonomisë shqiptare, informale. Kemi më tepër forma klasike të pastrimit të parave, dominojnë bankat dhe ndërtimi

Gazetarja OIa Xama tha në studion e MCN Economy se Shqipëria ka më tepër forma klasike të pastrimit të parave ku vijojnë që të dominojë sektori i ndërtimit dhe sektori bankar 

Më tej, Xama tha se vitet e fundit është shtuar transferimi i parave me sisteme Hawala që implikojnë zyrat e këmbimit valutor dhe kriptomonedhat. 

Shqipëria ka më tepër forma klasike të pastrimit të parave ku vijojnë që të dominojë sektori i ndërtimit, sektori bankar sa i takon pjesës së transferimeve. Vitet e fundit shohim që është shtuar transferimi i parave dhe me skema të tjera si sisteme Hawala që implikojnë zyrat e këmbimit valutor por dhe kriptomonedha. 

Sipas raporteve dhe nga Prokuroria e Përgjithshme dhe SPAK, Aktiviteti kryesor që përdoret për pastrimin e parave është ndërtimi. Dosjet me bujë të SPAK dhe prokurorive të rretheve, një pjesë e mirë e parave të korrupsionit dhe krimit të organizuar janë të investuara ose kompani ose në b;erjen  e pasurive të patundshme, 

Shumica e fondeve ku investohet paratë e korrupsionit dhe krimit të organizuar janë në pasuri të patundshme. Sektori i ndërtimit në Shqipëri ka një lloj dinamike që lejon futjen e shumave të konsiderueshme. 

Sipas Xamës, afërsisht 1/3 e ekonomisë shqiptare është informale.

Problemi në kontekstin shqiptar është sa % e ekonomisë është informale dhe sa arrin të pastrohet kjo para në ekonominë shqiptare

Sipas vlerësimeve të tërthorta të BB dhe BSH afërsisht 1/3 e ekonomisë shqiptare është informale.