Një pjesë ende e vogël e shqiptarëve janë të përfshirë në sistemin financiar. Sipas guvernatorit të BSH, në vitin 2014, vetëm 38% e popullatës kishte llogari në sistemin financiar të licencuar, ndërkohë që në vendet e OECD-së, 92% e kanë një të tillë. Sipas Sejkos, kjo tregon nevojën për edukim financiar.
“Indikatorët e Zhvillimit Botëror, flasin për një nivel ende të ulët të përfshirjes financiare të popullatës. Në vitin 2014, vetëm 38% e popullatës kishte një llogari në sistemin financiar të licencuar, ndërkohë që 22% e të rriturve zotëronin kartë debiti dhe vetëm 6% e tyre kartë krediti. Kjo tregon një hendek të madh mes nesh dhe vendeve të OECD-së, ku 92% e popullatës ka një llogari financiare, ndërkohë që 80% e të rriturve kanë kartë debiti dhe 40% kanë kartë krediti. Roli i bankave është mjaft i rëndësishëm dhe deri-diku i pazëvendësueshëm edhe përsa i përket edukimit financiar. Thellimi dhe zgjerimi i njohurive financiare të klientëve tuaj jo vetëm që ka një impakt social të lartë, por njëkohësisht u shërben edhe vetë bankave, për të rritur më tej një potencial, i cili do të jetë konsumatori i produkteve dhe shërbimeve bankare”, tha ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
