Një dokument i sapopublikuar nga qeveria ku biznesit të vogël dhe të mesëm i paraqiten masat që duhet të marrë për t’ju përshtatur tregut europian brenda periudhës 2026-2030, shihet me vështirësi për pedagogen e ekonomisë Valbona Sakollari dhe sipërmarrësin Rezart Lahi.
Sakollari tha për “MCN Economy” se dokumenti ka të bëjë me ndërmarrjet e vogla dhe të mesme dhe ka qëllim kryesor, krijimin e këtyre ndërmarrjeve dinamike dhe smart në Shqipëri, me qëllim përmbushjen e standardeve, duke shtuar se plotësimi i kritereve mbetet sfidë.
Vetë ky dokument bazohet në tre strategji kryesore, ku njëra nga këto ka të bëjë me administratën publike, krijimin e një mjedisi të favorshëm që aktualisht mungon.
Në krijimin e institucioneve që të ndikojnë në ndërmarrjet e vogla dhe të mesme, për të plotësuar standardet që tregu europian kërkon.
Krijimi i një brezi të ri ndërmarrjesh brenda dy vitesh është shumë i vështirë. Jemi përballë një sfide të rëndësishme, për përgatitjen e administratës publike.
Ndërsa Lahi shton se administrata shqiptare ka shumë ngërçe në shumë aspekte dhe se biznesi shqiptar është shumë i vonuar për tu bërë pjesë e tregut europian.
Bizneset shqiptare kanë nevojë për dixhitalizim dhe përmirësim, shumica e tyre janë me vetëpunësim, me një të punësuar. Janë direktiva për tu përshtatur me mënyrën se si zhvillohet biznesi në Bashkimin Europian.
Duhet zhveshur nga burokracia dhe proceset e tepërta, për tu implementuar ky dokument. Po na kërkohet ndërtimi i disa proceseve të automatizuara, të cilat nëse nuk i bëjmë, nuk do jemi gati për atë treg.
Biznesi shqiptar është shumë vonë në përgatitjen për tu bërë pjesë e tregut të Bashkimit Europian. Jemi të vonuar në procesin e dixhitalizimit. Kemi informalitet shumë të madh. Nga ana tjetër tregu e-Comerce është 85% informal.
Është paradoks që tu kërkosh atyre që janë totalisht informal të arrijnë nivelin e Bashkimit Europian.
Në radhë të parë duhet të regjistrohen. Rëndësi ka që bizneset të kenë standarde, produktet të kenë standarde dhe cilësia e produkteve të jetë me standarde.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
