Bordi i transparencës vendos çmimet e reja të karburanteve, nafta do të shitet jo më shumë se 210 lekë/litër

Bordi i Transparencës ka vendosur çmimet e reja të karburanteve në mbledhjen e zhvilluar këtë të premte. 

Sipas vendimit, çmimi i shitjes me pakicë për naftën nuk duhet të jetë më shumë se 210 lekë/litri, ndërsa ai me shumicë jo më shumë se 198 lekë/litër. 

Për benzinën, çmimi maksimal i shitjes me pakicë është përcaktuar 176 lekë/litri, ndërsa me shumicë 164 lekë/litër. 

Këto çmime kanë hyrë në fuqi sot, më 17 prill, në orën 16:00 dhe do të mbeten të vlefshme deri në mbledhjen e ardhshme të Bordit, ku pritet të reflektohen ndryshimet e reja të tregut.