Balluku: Puna për HEC-in e Skavicës po avancon, një nga investimet më strategjike për energjinë

Ministrja e Infrastrukturës dhe Energjisë, Belinda Balluku thotë se puna për ndërtimin e HEC-it të Skavicës po avancon.

Balluku ndan fotografi me takimin e zhvilluar me e përfaqësues të kompanisë Bechtel, për të cilët thotë se prezantuan progres raportin mbi projektin më të rëndësishëm të qeverisë shqiptare në sektorin energjetik.

Një punë serioze e voluminoze me detaje mbi aspektet teknike, financiare dhe impaktin mjedisor mbi të cilin do të përcaktohet edhe varianti më fizibël për ndërtimin e këtij HEC-i.

Skavica është një nga investimet më strategjike me përfitime të drejtpërdrejta në sektorin energjetik, por edhe për punësimin, turizmin dhe zhvillimin e ekonomisë së vendit në tërësi.