Gazetari Klodian Tomorri, komenton shpalljen e aktorit Gazment Paja si investitor strategjik në Dhërmi, ku do të investojë 13.8 milionë euro në një sipërfaqe prej 133 mijë m2, për ndërtimin e një resorti dhe kompleksi luksoz.
Tomorri tha për MCN Live “është çmenduri”, duke kujtuar se si u dha statusi i investitorit strategjik dhe për një anëtar të kabinetit.
Është e paimagjinueshme dhe për një vend të botës së tretë. I gjithë ligji për statusin e investimeve strategjike, është korruptiv! Është bërë për të tjetërsuar pronat më të lakmuara në bregdet dhe tek njerëzit afër pushtetit. Ajo që ndodh është skemë e thjeshtë. Individë që kanë akses në pushtet, hyjnë si ndërmjetës për të marrë leje ndërtimi apo privilegje shtetërore, që të përfitojnë statusin e investitorit strategjik. Rasti në fjalë është ndërmjetësimi, ose ajo që në gjuhën e zbutur quhet tarifa e suksesit, por që në të vërtetë është tarifa e sekserit. Marr lejen, dokumentacionin dhe për këtë qëllim ti që je investitori fut dhe aksioner në projekt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
