Për herë të parë që nga viti 1963, një periudhë 57-vjeçare që përfshin pesë recesione, borxhi kombëtar parashikohet të jetë më i madh se të ardhurat kombëtare.
E thënë ndryshe, Britania e Madhe do të ketë detyrime më shumë sesa prodhon e gjithë ekonomia këtë vit.
Sipas Zyrës për Statistikat Kombëtare (ONS) borxhi neto i sektorit publik do të arrijë në 1.95 trilionë këtë vit, ose 100.9% të produktit të brendshëm bruto.
Në maj, qeveria huazoi 55.2 miliardë dollarë, huazimi mujor më i lartë që nga regjistrimet e para në 1993 dhe nëntë herë më shumë sesa huaja 5.6 miliardë paund majin e kaluar.
ONS vlerëson se totali për dy muajt e fundit është 103.7 miliardë, 87 miliardë më shumë se në të njëjtën periudhë të vitit të kaluar.
Qeverisë i është dashur të marrë hua për të financuar shërbimet shëndetësore dhe programin e madh të mbështetjes ekonomike, të gjitha këto në një kohë kur faturat e taksave kanë rënë.
Skema e mbajtjes së vendeve të punës mbështeti rritjen e 8,7 milion punëtorëve në maj me një kosto prej 17.5 miliardë paund, me një shtesë të mëtejshme prej 7.6 miliardë paund të shpenzuar për mbështetjen e 2.5 milion të vetëpunësuarve.
Lajmi i mirë është se këto para kanë mbajtur në punë një numër të madh të njerëzve. E keqja është se këto shifra ende nuk kanë arritur kulmin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
