Qeveria nuk ka qenë e qartë për reformat e ndërrmarra në ekonomi dhe shpesh, e gjendur para presionit të qytetarëve, është detyruar të tërhiqet nga aksionet e saj. Kjo paqëndrueshmëri në fushën fiskale, sipas Sherif Bundos është rrjedhojë e një qeverisje jo korrekte.
Në Zululand me gazetarin Mustafa Nano, Bundo deklaroi se kjo qeveri nuk ka profesionistë në fushën e financave dhe të ekonomisë. Ai tha se një gabim i vogël i një pushteti gjigand mund të ketë pasoja të rënda.
Duke diskutuar mbi shanset e ringritjes ekonomike të Shqipërisë apo hapjen e vendeve të punës, Bundo tha se mungon një profil i qartë ekonomik. “Ekonomia ka nevojë për lokomotivë, të cilën dikur e luante ndërtimi. Shqipëria ka potenciale të tjera si turizmi apo bujqësia, por për vite me radhë këto sektorë janë lënë në mëshirë të fatit”, tha më tej Bundo.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
