Në Divjakë, pas 40 vitesh u ndërtua një hidrovor i ri, që do të garantojë kullimin e tokave bujqësore.
Kryeministri Rama tha sot se ky hidrovor është pajisur me elektromekanikën e gjeneratës së fundit.
“Mirëmëngjes dhe me hidrovorin e ri të Divjakës, i ndërtuar dhe pajisur me elektromekanikën e gjeneratës së fundit, që do të garantojë kullimin në çdo kohë të përreth 1400 ha tokë bujqësore, ju uroj një ditë të mbarë”, tha Rama.
Hidrovori i ri do të mundësojë kullimin e tokave në perëndim të Divjakës, buzë lagunës e parkut, kurrë të kultivuara deri tani për shkak të ujërave në një nivel të lartë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
