Vuksani: Bujqësia shqiptare është në rënie të lirë, duhet formalizim i fermerëve

Ekspertja e sigurisë ushqimore Ana Vuksani thotë se bujqësia shqiptare aktualisht është në rënie të lirë.

Nga studio e “MCN Economy”, ajo ngriti nevojën për formalizimin e të gjithë fermerëve.

Sipas tij, politika subvencionuese e qeverisë shqiptare për fermerin, jo vetëm që nuk është adresuar saktë, por dhe ndihma që jepet është një shifër e papërfillshme.

Bujqësia shqiptare aktualisht është në rënie të lirë. Aktualisht kemi humbur IPARD 3, 140 milionë euro që do të injektoheshin në sektorin bujqësor. 

 

Politika subvencionuese e qeverisë shqiptare për fermerin, jo vetëm që nuk është adresuar saktë, por dhe ndihma që jepet është një shifër e papërfillshme krahasuar me vendet e rajonit, Kosova dhe Maqedonia. 

 

Nëse duam të jemi konkurrues, kostot e produkteve do të duhet të dalin me të njëjtën kosto. Nëse nuk kujdesemi që çdo fermer që del në treg të jetë i formalizuar, vështirësia do të jetë e madhe. 

 

Pa një formalizim të ekonomisë, e kemi të vështirë të dalim me deklarata për mbi kompensim apo kompensim. Aktualisht importi e nis me 20% më shumë fitim se fermeri. 

 

Sot bujqësia shqiptare është një nga sektorët që kontribuon dhe merr mbas financim as 1% të GDP. Ne kemi një strategji të zhvillimit rural, ku një nga shtyllat ku mbështeteshim ishin fondet e IPARD, të cilat ranë. 

 

Nuk ka një strategji të mirëfilltë se si do të dalë bujqësia shqiptare nga kjo gjendje.