Ministrja e Bujqësisë dhe Zhvillimit Rural, Milva Ekonomi mori sot pjesë në hapjen e Panairit të agroturizmit, “Promovo dhe bli produkte shqiptare” në Manzë, Durrës.
E shoqëruar nga kryetarja e bashkisë Durrës, Emiriana Sako, Ekonomi vizitoi stendat e këtij panairi, ndërsa nxiti promovimin e produkteve shqiptare.
Qëllimi i këtij panairi është promovimi i produkteve bio të fermave të zonës, por edhe i produkteve të përpunuara të punishteve tradicionale.
Nga ana e saj, kryetarja e bashkisë Durrës, Emiriana Sako u kërkoi banorëve të zonës, që së bashku të punojnë për ta kthyer këtë panair në një traditë të përvitshme.
“Blini prodhime ‘Made in Albania’” është një ndër motot kryesore që shoqëron aktivitetet e Ministrisë së Ekonomisë dhe Zhvillimit Rural, e cila synon nxitjen e prodhimit vendas.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
