Kryeministri Edi Rama iu bën thirrje të gjithë investitorëve në fushën e turizmit rural që të aplikojnë për të përfituar nga financimi i projekteve në fshat, përmes programit evropian IPARD.
Krahas videos, kreu i qeverisë ka ndarë edhe një link që të dërgon në faqen e Agjencisë për Zhvillim Bujqësor dhe Rural, nga ku të gjithë të interesuarit mund të bëjnë aplikimin e tyre për këto fonde.
“MIRËMËNGJES dhe me thirrjen e katërt për financimin e projekteve në fshat, përmes programit europian IPARD, për të gjithë ata që duan të investojnë në fushën e turizmit rural, ky është momenti! Klikoni në linkun www.azhbr.gov.al dhe investoni për fshatin dhe familjen tuaj. Ditë të mbarë të gjithëve”, shkruan Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
