Kryeministri Edi Rama e ka nisur muajin e ri, duke postuar një video në Facebook, ku shfaqen projektet e lagjeve të reja që do të ndërtohen pas tërmetit shkatërrimtar të 26 nëntorit 2019.
Ndër më të mëdhatë, janë projektet e rindërtimit dhe Rilindjes Urbane në Vorë, Shijak, Kavajë apo Spitallë.
Pjesë e projektit, janë edhe zona më periferike dhe rurale, si Valiasi apo Manza.
Puna ka filluar edhe në zona të tjera, si Thumana apo Laçi. Dy të fundit, kanë qenë gjithashtu ndër më të prekurat nga tërmeti. Të dyja ato pritet të përfundojnë brenda vitit 2021.
Ndërkaq, projektet e paraqitura në videon e Ramës, pritet të përfundojnë në vitin 2022. Një periudhë e saktësuar kohore ende nuk është dhënë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
