“Ribashkimi i plotë i Tajvanit me Kinën duhet të arrihet dhe me siguri do të arrihet.”
Kështu deklaroi Presidenti kinez Xi Jinping, duke theksuar se rrjedha e historisë nuk mund të ndalet dhe duke përsëritur preferencën e Pekinit për një zgjidhje paqësore, pa përdorur forcën.
Në një fjalim të mbajtur sot, në Sallën e Madhe të Popullit në Pekin me rastin e 160-vjetorit të lindjes së Sun Yat-sen, udhëheqësi revolucionar që kontribuoi në rënien e dinastisë së fundit perandorake dhe nxiti lindjen e Republikës, Xi e quajti zgjidhjen e çështjes së Tajvanit një “mision historik të palëkundur” të Partisë Komuniste.
“Rrjedha e historisë nuk mund të ndalet. Ribashkimi i plotë i atdheut duhet të arrihet dhe me siguri do të arrihet”, deklaroi presidenti.
Xi përsëriti se Kina mbështet ribashkimin paqësor dhe formulën “një vend, dy sisteme”, e cila tashmë zbatohet në qeverisjen e Hong Kongut dhe Makaos.
Ai gjithashtu hapi dialogun me Tajvanin bazuar në “parimin e një Kine”, sipas të cilit qeveria e Pekinit është përfaqësuesja e vetme legjitime e të gjithë territorit kinez, përfshirë Tajvanin.
Xi u bëri thirrje të gjithë kinezëve, përfshirë ata në Tajvan, të bashkojnë forcat për t’iu kundërvënë separatistëve që favorizojnë pavarësinë e ishullit dhe për të promovuar zhvillimin paqësor të marrëdhënieve ndër-ngushticë.
Sun Yat-sen konsiderohet nga Pekini si një patriot i madh dhe një pararendës i revolucionit komunist të vitit 1949.
Ai festohet edhe në Tajvan, i cili e konsideron atë “babain e kombit”. Portreti i tij është i ekspozuar në Zyrën Presidenciale në Taipei.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
