Inteligjenca amerikane beson se Mojtaba Khamenei, udhëheqësi i ri suprem i Iranit, po luan një rol vendimtar në përcaktimin e strategjisë së luftës, së bashku me zyrtarë të lartë në Teheran.
Lajmi raportohet nga CNN, duke cituar disa burime të njohura me çështjen, se shkalla e saktë e autoritetit të tij brenda regjimit tani të fragmentuar, mbetet e paqartë.
Megjithatë, ka të ngjarë që Khamenei po ndihmon në drejtimin e trajtimit të negociatave nga Irani me Shtetet e Bashkuara për t’i dhënë fund konfliktit, pavarësisht se nuk u shfaq në publik që kur pësoi lëndime serioze në një sulm që, në fillim të luftës, vrau babanë e tij, Ali Khamenei, dhe disa zyrtarë të lartë ushtarakë.
Kjo ka nxitur spekulime rreth shëndetit të tij dhe rolit të tij brenda strukturës udhëheqëse iraniane.
Administrata Trump vazhdon të ndjekë një zgjidhje diplomatike për konfliktin, ndërsa armëpushimi ka qenë në fuqi për më shumë se një muaj.
Inteligjenca amerikane vlerëson se Irani ende po përpiqet të riorganizohet pas fushatës së bombardimeve amerikane, e cila la të paprekura aftësitë e rëndësishme ushtarake të Teheranit, duke ruajtur aftësinë e vendit për t’i rezistuar një bllokade amerikane për muajt në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
