Bangkok po përballet me një situatë kritike pasi reshjet ekstreme të shiut tejkaluan çdo parashikim, duke shndërruar lagje të tëra në liqene të ndenjur. Brenda vetëm dy ditëve ra rreth 300 mm shi, sasi kjo e barabartë me gjysmë viti reshje mesatare në Londër.
Sipas të dhënave zyrtare nga qeveria, rreth 40 persona kanë humbur jetën si pasojë e mbytjes apo goditjeve aksidentale nga rryma elektrike. Përmbytjet masive kanë detyruar mijëra banorë të zhvendosen në më shumë se 230 strehimore të hapura në të gjithë qytetin.
Banorët dëshmojnë se stuhia ishte e pandërprerë "gjithë ditën dhe gjithë natën", duke bërë që niveli i ujit nëpër rrugë të arrinte shpejt deri në bel dhe të zhbënte makinat e parkuara.
Simbol i kësaj katastrofe është bërë kompleksi i apartamenteve Khlong Chan, fotot e të cilit, i rrethuar plotësisht nga uji i kafenjtë, po bëjnë xhiron e rrjetit në Tajlandë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
