Autoritetet e Gjeorgjisë përdorën një armë kimike të epokës së Luftës së Parë Botërore për të shuar protestuesit antiqeveritarë vitin e kaluar, sugjerojnë provat e mbledhura nga BBC.
Demonstruesit kundër pezullimit nga qeveria gjeorgjiane të përpjekjeve të saj për anëtarësim në Bashkimin Evropian janë ankuar për një sërë simptomash, si gulçim, kollë dhe të vjella që zgjatën me javë të tëra.
Shërbimi Botëror i BBC-së ka folur me ekspertë të armëve kimike, informatorë nga policia e trazirave të Gjeorgjisë dhe mjekë, dhe ka gjetur prova që tregojnë përdorimin e një agjenti që ushtria franceze e quajti "camite".
Autoritetet gjeorgjiane thanë se gjetjet e hetimit tonë ishin "absurde" dhe se policia kishte vepruar ligjërisht në përgjigje të "veprimeve të paligjshme të kriminelëve brutalë".
“Camite” u përdor nga Franca kundër Gjermanisë gjatë Luftës së Parë Botërore. Ka pak dokumentacion për përdorimin e tij të mëvonshëm, por besohet se është hequr nga qarkullimi në një moment në vitet 1930, për shkak të shqetësimeve në lidhje me efektet e tij afatgjata.
Në vend të kësaj arme kimike është përdorur gjerësisht Gazi Cs, i njohur më së shumti si “gaz lotsjellës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
