Trump: Groenlandën do ta zotërojmë "në mënyrë të butë" ose "të vështirë". E mbrojmë nga Kina e Rusia

Presidenti Donald Trump thotë se SHBA-të duhet të “zotërojnë” Groenlandën për të parandaluar Rusinë dhe Kinën që ta bëjnë këtë.

“Vendet duhet të kenë pronësi dhe ju mbroni pronësinë, ju nuk mbroni kontratat e qirasë. Dhe ne do të duhet të mbrojmë Groenlandën”, u tha Trump gazetarëve të premten, në përgjigje të një pyetjeje nga BBC.

Do ta bëjmë "në mënyrë të butë" ose "të vështirë", shtoi ai. Shtëpia e Bardhë tha së fundmi se administrata po shqyrton blerjen e territorit gjysmë-autonom të Danimarkës, një anëtare tjetër e NATO-s, por nuk do ta përjashtonte mundësinë e aneksimit të tij me forcë.

Danimarka dhe Groenlanda thonë se territori nuk është në shitje. Danimarka ka thënë se veprimi ushtarak do të shënonte fundin e aleancës mbrojtëse transatlantike.

Në një deklaratë të përbashkët të premten në mbrëmje, udhëheqësit e partive të Groenlandës, përfshirë opozitën, përsëritën thirrjen e tyre që "të marrë fund nënçmimi i SHBA-ve për vendin tonë".

"Ne nuk duam të jemi amerikanë, nuk duam të jemi danezë, ne duam të jemi grenlandezë", thanë ata. "E ardhmja e Grenlandës duhet të vendoset nga populli grenlandez."