Një burrë hapi zjarr në hollin e hotelit Hilton Washington, ku po zhvillohej darka vjetore e korrespondentëve të Shtëpisë së Bardhë.
Të shtënat ndodhën vetëm pak metra larg presidentit amerikan dhe anëtarëve kryesorë të qeverisë së tij: nga zëvendëspresidenti JD Vance, te prokurori i përgjithshëm Todd Blanche dhe drejtori i FBI-së Kash Patel.
Donald Trump dhe Vance u evakuuan menjëherë nga agjentët e Secret Service, të armatosur me armë automatike, në dy drejtime të ndryshme, sipas protokollit të emergjencës.
Në sallë ndodheshin rreth 2,600 gazetarë, të cilët të tmerruar kërkuan strehë nën tavolina dhe pas kolonave të një prej vendeve simbolike të kryeqytetit amerikan.
Pikërisht aty ku në vitin 1981, ish-presidenti Ronald Reagan mbeti i plagosur në një atentat.
Agresori u qëllua nga një agjent, ndërsa një tjetër mbeti i plagosur dhe u dërgua në spital, por është jashtë rrezikut për jetën falë jelekut antiplumb.
Edhe autori i sulmit u transportua në urgjencë dhe u identifikua si Cole Tomas Allen, 31 vjeç nga California.
Sipas deklaratës së presidentit Trump në një konferencë për shtyp pas ngjarjes, bëhet fjalë për një “ujk të vetmuar” që “kishte qëllim të vriste”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
